By Demetrio 'Bong' Ragudo Rafanan
a sequel to Orasen, Bumangon Ka Ilocos Sur
Bumangonka Ilocos Sur, nakita mon ti aramidda
narugit, saan a nasyaat, pangallilaw ti ibagbagada
ti kinabaknang ti probinsya ket binukbukudanda
agraman dagiti igid baybay ket rinames, pinirdida
pangnamnamaan ti masakbayan ket rinanggasanda
sige, saanmo ida sardengan, saanka agpatingga
ibutaktak, labanam ti awan kadugyutan a sistema
lagipem, dagiti natured ket maadaan iti gunguna
ken ti nadalus ti pangepna ket awan pagbutenganna
ngarud, pukanem amin nga kayo a sabidong ti bunga na
Bumangonka Ilocos Sur, sikat’ agkari!
rebbeng laeng a lukatam dagiti mata dagiti umili
darasem, daytay kabiitan, tapnu saandanto agbabawi
itan,rugyanam ti mangisuro, ala rugyanam ti agkuti
idaulwam ti pinagbalbaliw,pinagbiruk hustisya, inka ipapati
Wen, adda man wenno awan ti pinagpipili
ituloy iti narugyan, saanka agsardeng, sika’t agabanti
gangani kan agbiag a siwayawaya kas kalapati
talikudan, ti nasipnget a biag saankan agsubli
magna, tumangad, ganganin ti pinagballaigi
Bumangonka Ilocos Sur, aramidem ti kusto!
tungpalem ti arapaap, ti nakem, patangkenen a kas bato
sige, magnaka, alaem tay kalsada a nalinteg, diretso
kadwamon ti hustisya, adda pay la kadi atap mo?
wenno sibubutengka pay, sitatambor dayta puso?
saan, ipatangken ti kalintegam, saan mo ipapilko
uray payen nu adda ditan sango ti adipen ti diablo
agburburang-it, agas-asok ti agong na a kas toro
sangwem, naparmek mon namindua, inka ket ipamitlo
pungsayem dagiti sarana, ti bukot nat’ saplitam ti latigo
Wen, Bumangonka Ilocos Sur, Agtignay!
sikat’ namnama dagiti umili nga agur-uray
aggaput’ rigat a mapan napintas a biag, sikat’ rangtay
agbalinka a kas danum nga manipud banbantay
nabuanger, iyanudmo dagiti saan mauma ken abusot’ turay
wen, iyanud mo ida aginga diay dinadaelda nga igid baybay
agawem tay mangmangted kadakuadat’ turay, balitok a tugaw
usarem iti naan-anay a kinapigsa ti espititu ken tarigagay
agbatay ka ti amin nga kinalinteg ken ti ayat dagiti napapanglaw
ta saan kadi nga isudat’ nangnangruna nga inka ikkan saranay?
Wen, Bumangonka Ilocos Sur, punasam ta luam
masapul nga kas pusa ti kinapigsat’ pinagkitam
tapnu nalawag a masarakan nakadulin nga apan
ta dagiti sairo ket adut’ ammoda nga kalokkoan
inkanto kutkuten dagiti inkalida nga kinabaknang
kinabaknang nga sanikua ti intero a pagilian
inkanto iwaras kadagiti tattao nga nabaybay-an
tapnu maramanan da met dagiti inda naglingling-itan
wen, tiliwem ida, Agbalin ka a kas lawin iti tangatang
sippayutem, usaren dagiti kuko nga awan katademan
Wen, Bumangonka Ilocos Sur, saanka agulimek
kadakuada a mambutbuteng, komontra tapnu isudat' maparmek
apay saanka pay nakapidut' adal kadagiti bulsek?
saanda makita ti aglawlaw ngem napnuanda ti talek
iti pammati, pigsa ken namnama isu kanyadat' mangmangted
isu nga naidumduma met a pammati ti usarem a pangputed
ti nabayagen a pinagturay dagiti saan a nalinteg
wen, kuston, rebbengen a kas libro nga maipined
nakababain nga istorya ti kinadakes ket maikali ti nauneg
pukawen, sukatan tapnu agballaigi't hustisya ken kinalinteg
Bumangon ka Ilocos Sur, Bumangonka
iti ayat ti tattao, agraman hustisya ket addan kenka
dagiti mannalon, mangngalap ken dagiti awan trabaho na
kasta met dagiti baro a kapototan ket kumuyogda amin kenka
iti ikkis mo, isu met iti ikkis da, awan dumana, agpadpada
pinagbalbaliw iti politika ken pinagbiag ditoy ay-ayaten a probinsya
maymaysan iti timek ti amianan agingat' abagatan, laud ken daya
masapul laengen iti boses nga saan agpatingga ken napigsa
boses nga addaan tangken, tured ken bendisyon ti namuarsua
tapnu mangidaulo ti pinangpaksyat kadagiti madi panggepna
narugit, saan a nasyaat, pangallilaw ti ibagbagada
ti kinabaknang ti probinsya ket binukbukudanda
agraman dagiti igid baybay ket rinames, pinirdida
pangnamnamaan ti masakbayan ket rinanggasanda
sige, saanmo ida sardengan, saanka agpatingga
ibutaktak, labanam ti awan kadugyutan a sistema
lagipem, dagiti natured ket maadaan iti gunguna
ken ti nadalus ti pangepna ket awan pagbutenganna
ngarud, pukanem amin nga kayo a sabidong ti bunga na
Bumangonka Ilocos Sur, sikat’ agkari!
rebbeng laeng a lukatam dagiti mata dagiti umili
darasem, daytay kabiitan, tapnu saandanto agbabawi
itan,rugyanam ti mangisuro, ala rugyanam ti agkuti
idaulwam ti pinagbalbaliw,pinagbiruk hustisya, inka ipapati
Wen, adda man wenno awan ti pinagpipili
ituloy iti narugyan, saanka agsardeng, sika’t agabanti
gangani kan agbiag a siwayawaya kas kalapati
talikudan, ti nasipnget a biag saankan agsubli
magna, tumangad, ganganin ti pinagballaigi
Bumangonka Ilocos Sur, aramidem ti kusto!
tungpalem ti arapaap, ti nakem, patangkenen a kas bato
sige, magnaka, alaem tay kalsada a nalinteg, diretso
kadwamon ti hustisya, adda pay la kadi atap mo?
wenno sibubutengka pay, sitatambor dayta puso?
saan, ipatangken ti kalintegam, saan mo ipapilko
uray payen nu adda ditan sango ti adipen ti diablo
agburburang-it, agas-asok ti agong na a kas toro
sangwem, naparmek mon namindua, inka ket ipamitlo
pungsayem dagiti sarana, ti bukot nat’ saplitam ti latigo
Wen, Bumangonka Ilocos Sur, Agtignay!
sikat’ namnama dagiti umili nga agur-uray
aggaput’ rigat a mapan napintas a biag, sikat’ rangtay
agbalinka a kas danum nga manipud banbantay
nabuanger, iyanudmo dagiti saan mauma ken abusot’ turay
wen, iyanud mo ida aginga diay dinadaelda nga igid baybay
agawem tay mangmangted kadakuadat’ turay, balitok a tugaw
usarem iti naan-anay a kinapigsa ti espititu ken tarigagay
agbatay ka ti amin nga kinalinteg ken ti ayat dagiti napapanglaw
ta saan kadi nga isudat’ nangnangruna nga inka ikkan saranay?
Wen, Bumangonka Ilocos Sur, punasam ta luam
masapul nga kas pusa ti kinapigsat’ pinagkitam
tapnu nalawag a masarakan nakadulin nga apan
ta dagiti sairo ket adut’ ammoda nga kalokkoan
inkanto kutkuten dagiti inkalida nga kinabaknang
kinabaknang nga sanikua ti intero a pagilian
inkanto iwaras kadagiti tattao nga nabaybay-an
tapnu maramanan da met dagiti inda naglingling-itan
wen, tiliwem ida, Agbalin ka a kas lawin iti tangatang
sippayutem, usaren dagiti kuko nga awan katademan
Wen, Bumangonka Ilocos Sur, saanka agulimek
kadakuada a mambutbuteng, komontra tapnu isudat' maparmek
apay saanka pay nakapidut' adal kadagiti bulsek?
saanda makita ti aglawlaw ngem napnuanda ti talek
iti pammati, pigsa ken namnama isu kanyadat' mangmangted
isu nga naidumduma met a pammati ti usarem a pangputed
ti nabayagen a pinagturay dagiti saan a nalinteg
wen, kuston, rebbengen a kas libro nga maipined
nakababain nga istorya ti kinadakes ket maikali ti nauneg
pukawen, sukatan tapnu agballaigi't hustisya ken kinalinteg
Bumangon ka Ilocos Sur, Bumangonka
iti ayat ti tattao, agraman hustisya ket addan kenka
dagiti mannalon, mangngalap ken dagiti awan trabaho na
kasta met dagiti baro a kapototan ket kumuyogda amin kenka
iti ikkis mo, isu met iti ikkis da, awan dumana, agpadpada
pinagbalbaliw iti politika ken pinagbiag ditoy ay-ayaten a probinsya
maymaysan iti timek ti amianan agingat' abagatan, laud ken daya
masapul laengen iti boses nga saan agpatingga ken napigsa
boses nga addaan tangken, tured ken bendisyon ti namuarsua
tapnu mangidaulo ti pinangpaksyat kadagiti madi panggepna
***********
No comments:
Post a Comment