OFWS SA ROMA HANDANG SUMALI SA PEOPLE’S INITIATIVE LABAN SA PORK

By Belarmino Dabalos Saguing

Rome, Italy 26.10.2013

Naghahanda ang OFWs sa Roma ng isang ebento na gaganapin sa Pzza. Manila, Roma sa Nobyembre 17, 2013, na nagpapahayag ng kanilang pagsama sa kasalukuyang isinusulong ng na People’s Initiative ng maraming sektor ng mga mamamayan sa Pilipinas.

Ang ebento ay tinatayang lalahukan ng tatlo o higit pang mga organiisasyon ng mga Pilipinong nagtatrabaho o naninirahan sa lunsod na ito at inaasahang lalahukan din ng iba pang mga organisasyon.

Isang mariing dagok para sa mga OFWs ang malaman na ang bunga ng kanilang pagpapakasakit na madagdagan ang yaman ng bansa ay nauuwi sa wala dahil sa kasakiman ng mga walang budhing politiko at kontratista ayon sa isa sa mga organizers ng ebento. Marami din sa mga >OFWs sa Roma ang nagnanais na maalis ang Pork Barrel sa ating pamahalaan.

Dapat na ibaling ang pork barrel sa direktang pagtutustus sa mga serbisyo para sa mga manngagawang migrante tulad ng dagdag na badyet sa serbisyong ligal ng OFWs na napiopiit at nagigipit sa bansang kinaroroonan nila, ibaling sa SSS at Pagibig plan ang salapi sa halip na taasan pa ang mga bayaring kaugnay dito na labis na nagpapahirap sa mga OFWs at pondo para sa repatriation ng mga OFWs na naiipit sa mga gera at kaguluhan lalo na sa Middle East at North Africa, sabi naman ng iba.

Ang People’s Initiative na nabanggit ay nangangailangan ng pirma ng 10% ng kalahatang bilang ng mga botante, at ang mga manggagawang migrante na kalat sa boong mundo ay may sapat na bilang upang makatulong nag malaki sa ipagtatagumpay ng inisyatiba.