ANG MANGGAGAWANG MIGRANTE SA GITNA NG PANDAIGDIGANG KRISIS PINANSYAL (pangalawang bahagi)

ANG MANGGAGAWANG MIGRANTE SA GITNA NG PANDAIGDIGANG KRISIS PINANSYAL (pangalawang bahagi)
By Belarmino Dabalos Saguing
Email bdsaguing@gmail.com
Mobile +39 3356880613

Rali ng mga manggagawang migrante sa Rome, Italya Nov. 2011

III.  Ang Pondasyong Normatibo.

Pagkilala sa pangangailangan ng isang proteksyong legal at regulasyon, lalo na sa espesipikong at internassunal na instrumento na nilikha upang bigyan ng minimong kalakaran kaugnay sa proteksyon ng  mga migrante, pamilya at refugee. Ang mga instrumenting ito ang magbibigay ng insentibo at parametrong internasyunal sa kooperasyon sa migrasyon.

Itinatalaga ng batas internasyonal ang tatlong pundamental na pagbaybay sa proteksyon ng migrante particular ang manggagawang migrante at ng kanilang pamilya:

·         Pantay na tratamento sa pagitan ng manggagawang migrante at mga lokal na manggagawa.

·         Buod ng universal na karapatang pantao pantay at ganap na sumasaklaw sa lahat ng ta pati na sa migrante.

·         Isang malawak na pamantayan sa paggawa na naglalaan ng proteksyon sa tratamento at kundisyon sa paggawa (kasama dito ang tungkol sa kalusugan at kaligtasan, maximum na bilang ng oras sa paggwa, minimum na kabayaran, walang discriminasyon, kalayaan sa pagsapi sa organisasyon, at maternity leave para sa kababaihan) ay dapat pantay na  maigawad sa lahat ng mga manggagawa

Ganonman, ang proteksyon para sa mga migrante at lokal na manggagawa at pagtiyak ng isang gumagana na poamilihan ng paggawa habang itinataguyod ang kohesyong social ay nangangailangan ng atensyon at at malawak na mga hakbang at mga institusyon upang maipatupad.

IV. ANG EPEKTO NG KRISIS SA MGA MIGRANTE

Ang krisis pinansyal ay may mataas na epekto sa mga sektor ng ekonmya na gumagamit ng malaking bilang ng manggagawang migrante. Sa pandaigdigang lebelo, ang mga manggagawang migrante ay konsentrado sa kunstruksyon, pagmamanupaktura, agrikultura, hotel at kateringv at pangkalusugan at pagaalaga, kasama na ang mga domestikong trabaho. Ang mga sektor na ito ang matinding tinamaan ng krisis.

Ang epekto ng krisis ay mas nakikita sa mga bansang unang  dumanas nito, tulad ng Espanya, Ireland, Igletera at Estados Unidos. Sa Espanya halimbawa ang kawalan ng hanapbuhay ay lumampas na sa 17% noong nakaraang taon.

Ayon sa analisis ng ILO na nakapokus sa pangangalap ng data sa ilang mga kwestyon:

a)      Gaano ang kaalaman sa bilang ng naalis sa trabaho o pagbabawas ng employment sa mga banyagang manggagawa?

b)      Gaano ang kaalaman sa pagbabalik ng mga migranteng manggagawa sa kani-kanilang bansa?

c)       Ano ang mga natutuklasan na sa mga deteryorasyon sa kondisyon sa paggawa kasama na ang pagbaba sa lebelo ng sahod o pagtaas ng prekaryadong paggawa?

d)      Ano na ang mga pangyayari tungkol sa diskriminasyon at reaksyong xenopobiko laban sa mga manggagawang migrante?

Ang mga data na nakakalap sa kasalukuyan ay malayo pa sa pagiging komprehensibo.  Ganunman, ang mga ito ay indikatibo ng mga katungan sa itaas:

1)      Pagkatiwalag sa trabaho sa sektor ng  kunstruksyonat restorante na pnatatanging sensitibo sa pagbabago sa employment habang ang ibang sektor ay hindi naepektohan. Ang kalagayan sa employment ng mga banyagang manggagawa bago magkaroon ng krisis sa kunstruksyon  ay mas mataas sa southern Europe na kamakailan ay nagkaroon boom sa residential deevelopments. Sa  Gresya, 32% ng manggagawa sa konstruksyon ay banyaga, sa Espanya ay 21%, Portugal 15%, at sa Italya ay halos 14%.

Paggawang migrante ang nagkaroon ng malaking papel sa expansion sa bansang nabanggit, at sila din ang una at matinding natamaan ng krisis.

V.   ANG KAHALAGAHAN NG PAGBUBUKLOD NG MGA MANGGAGAWANG MIGRANTE SA MGA ORGANISASYON AT MGA UNYON.

Di tulad ng mga local na mnanggagawa, ang mga migrante ay likas na bulnerable sa mga bansang kinaroroonan nila. At sa kondisyon ng krisis, higit na marami ang hinaharap nilang problema: pinatinding diskriminasyon at xenophobia, pagkakatiwalag sa trabaho sa munti o waalang dahilan, pagbaba ng kinikita. Ang mga suliraning ito ay nadadama ng mga migrante halos sa lahat ng nasyon sa Europa.  At ang tanging paraan uypang labanan ang problema ay ang pagkakaisa ng mga migrante tulad ng napatunayan sa karanasan ng mga manggagawang migrante sa Alemanya, Finland at Sweden kung saan ang pagbubuklod ng mga organisasyon ng mga migrante buhat sa iba’t ibang bansa ay nagbigay sa mga migrante ng tinig at bisibilasyon.

 Dito sa Italya ay may gayunding pagbubuklod na nagagawad sa kasalukuyan. Ang mga Pilipino, taliwas sa ginagawa ng mga migrante buhat sa ibang nasyonalidad ay karaniwang umiiwas sa pagsanib sa mga kilusan ng mga manggagawang migrante dahil hindi pa nila nadarama ang halaga ng bukluran. Ganunman, naramdaman nila ang epekto ng pakikibaka ng bukluran ng mga samahan ng migrante nang labanan ng Comitato Imigrati in Italya kung saan kaanib ang samahang UMANGAT. Nagorganisa sila ng malawakang kilusan upang labanan ang Bossi-Fini Law noong 2004 na mabilis kumalat sa boong bansa at nagkaroon ng pagbabago sa pananaw ng mga taga ditto na pabor sa mga migrante.

Sa harap ng matinding krisis, muli at muling hinihimok ang lahat ng mga migrante na sumanib sa kilusan upang maipagtanggol ang mga karapatan at kagalingan nating lahat.